Nasikop sa Zamboanguita PNP ang 56-anyos nga mag-uuma ug No. 1 Most Wanted Person sa Negros Oriental atol sa pagserbe sa warrant of arrest sa Del Pilar Street, Barangay Poblacion, Zamboanguita niadtong Huwebes.
Ang akusado, nga residente sa Sipalay City, Negros Occidental, giatubang ang kaso sa sexual assault ubos sa Article 266-A(2) sa Revised Penal Code, in relation to Section 5(B) sa Republic Act 7610, o Special Protection of Children Against Abuse, Exploitation and Discrimination Act.
Ang warrant of arrest batok kaniya giisyu sa Regional Trial Court Branch 31 sa Dumaguete City niadtong Oktubre 16, 2025, ug adunay gihatag nga ₱200,000 nga pyansa alang sa temporaryong kagawasan.
Human sa pagdakop, gidala sa Tracker Team sa Zamboanguita PNP ang akusado ngadto sa estasyon alang sa hustong kustodiya ug disposisyon.
Photo Courtesy: NEGOR NEWSBITE TODAY
