Ginatrabaho na ang pag-pasemento sa kalsada padulong sa Laureta National High School, Brgy. San Miguel ning dakbayan sa Tagum. Gilauman nga makahatag kini og mas hapsay ug komportableng pagbiyahe alang sa mga residente ug mga estudyanteng lumalabay sa giingong lugar.
Usa ka lakang ang maong proyekto nga mapasayon ang konektibidad ug mapadali ang paglihok sa mga motorista ug mga estudyante nga lumalabay duol sa maong tulunghaan, samtang nagpadayon ang pagpalig-on sa imprastraktura isip kabahin sa padayong kalamboan sa siyudad sa Tagum.
Kini nga inisyatiba usa sa mga prayoridad sa Lokal nga Panggamhanan sa Tagum ubos sa liderato ni Mayor Rey Uy, pinaagi sa pakigtambayayong sa City Engineering Office (CEO), aron mas mapadali ang pagpatuman sa mga proyektong makahatag og direktang benepisyo sa katawhan.
Photo Courtesy: City Government of Tagum
