Gipasabot sa National Police Commission (NAPOLCOM) Region IX sa publiko ang mga basehanan sa kapulisan sa pag-ila kon misaka o mikunhod ang crime rate sa usa ka lugar. Matud kang NAPOLCOM-9 Regional Director Atty. Pablito M. Abad Jr., ang crime rate dili basta-basta masukod pinaagi lamang sa gidaghanon sa mga insidente nga makita o madungog sa publiko.
Kinahanglan kini itandi ang crime data sa susamang panahon aron makita kung adunay tinuod nga pagtaas o pagkunhod sa krimen. Matud pa ni Abad, mao kini ang pamaagi nga gigamit sa pag-assess ug pagreport sa crime trends.
Apan usahay, mahimong bation sa publiko nga misaka ang krimen tungod sa kanunay nga paglantaw sa mga insidente sa social media. Samtang gipasiugda sa NAPOLCOM-9 ang hustong pagtan-aw ug pagtandi sa crime data, aron malikayan ang sayop nga interpretasyon bahin sa tinuod nga kahimtang sa krimen sa usa ka lugar.
