Mikunhod ang poverty incidence sa Zamboanga Peninsula base sa 2025 Official Poverty Statistics nga gipagawas sa Philippine Statistics Authority (PSA) niadtong Agosto 2026. Matud ni DOLE 9 Regional Director Albert Gutib, sa datos nga gipagula dako ang gikunhod sa ihap sa poverty incidence sa tuig 2025 sa tibuok rehiyon lakip na ang Sulu Province.
Sa Zamboanga Peninsula, ang poverty incidence sa populasyon niadtong 2023 anaa sa 22.5 porsyento, samtang ang pinakabag-ong 2025 figures nagpakita og pagkunhod nga anaa na lang sa 9.8 porsyento. Giingon ni Gutib, nagpasabot kini nga mas niubos ang gidaghanon sa mga residente nga ang kit igo aron matubag ang minimum nga panginahanglanon alang sa pagkaon ug uban pang panginahanglan.
Gilauman nga ang pag-uswag sa kita sa mga pamilya, paghatag og trabaho, livelihood programs, ug social protection makatampo sa padayon nga pagkunhod sa kakabus sa rehiyon.
