Napahigayon ang National Simultaneous Safety Drill nga adunay Active Attack Incident scenario sa CM Recto Elementary School, Magsaysay, Nabunturan, Davao de Oro, gahapong adlawa , Septiyembre 3, 2026.
Nakatambong sa maong kalihukan si Nabunturan Municipal Mayor Myrocel Clarin Balili, kauban ang mga personahe sa Nabunturan Municipal Police Station ubos sa pagpanguna ni PLCol Gomersendo Diwata II, ingon man ang BFP, RHU Nabunturan ug MDRRMO nga gipangulohan ni Jennifer Echavez.
Sumala ni PLCol Diwata, dako og tabang ang maong drill sa pag-andam sa tibuok eskwelahan batok sa posibleng mga insidente sulod sa tunghaan. Matud pa niya, makatabang usab kini aron mahimong alerto ug husto ang panghunahuna sa mga tawo panahon sa emerhensya, ilabi na sa mga sitwasyon nga naghulga sa kinabuhi.
Gipahinumdoman ang tanan nga ang safety drill usa lamang ka pagpangandam aron masayod ang matag usa sa hustong buhaton ug saktong pagdumala sa sitwasyon kung mahitabo ang tinuod nga emerhensya.
