Ginpalig-on sa Kalamansig, Sultan Kudarat ang paggamit sang irigasyon kag regular nga pagpatubig bilang praktikal nga tikang agud mapabilin nga himsog kag mabungahon ang mga coffee plantation.
Suno kay Mayor Ronan Eugene Garcia, naapektuhan sang malawig nga tig-ilinit bangud sa El Niño ang produksyon sang agrikultura sa pipila ka bahin sang Mindanao, ilabi na ang kape nga isa sa importante nga pangabuhian sa banwa.
Ginahingyo sang alkalde ang mga coffee farmers nga magpatindog sang irigasyon ukon regular nga magbunyag sang mga tanom agud malikawan ang sobra nga pagkauga sang duta.
Padayon man ang pagbinuligay sang lokal nga panguluhan, mga coffee farmers kag partner agencies para masuportahan ang produksyon sang kape kag mapabakod ang coffee industry sang Kalamansig.
Photo Courtesy: PIA Sultan Kudarat
