Dakpan ang usa ka pedicab driver kinsa misideline sa pagpamaligya ug shabu pinaagi sa gilusad nga drug buy-bust operation sa Barangay Poblacion, lungsod sa Siocon, Zamboanga del Norte niadtong nakalabayng adlaw. Giila ang dinakpan nga si alyas Boy, 26 anyos, minyo ug bag-o nailang Street level individual sa drug’s watchlist.
Naskmit gikan sa dinakpan ang usa ka gamay nga sachet sa shabu nga nagsilbing buy bust item ug ang 1,000 peso bill nga buy bust money. Dugang nasakmit gikan sa iyang posisyon ang 4 ka gagmayng mga pekete sa shabu, ug uban pang mga non-drug items.
Mokabat sa 2 ka gramo ang nasakmit nga druga gikan sa dinakpan nga mokantidad sa Php13,600.00. Balhog sa selda sa Siocon MPS ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Siocon MPS
