Wala na ka kaikyas pa sa mga otoridad ang usa ka lalaking tigpayuhot ug ginadiling droga atol sa gikasang buy bust operation didto sa Manay, Davao Oriental pasado alas 3:15 sa hapon niadtong Agosto 30, 2026.
Ang operasyon gihimo sa mga sakop sa Manay Municipal Police Station kauban ang lain pang mga operatiba nga miresulta sa pagkasikop usa ka Street-Level Individual (SLI) kinsa nakuhaan ug duha (2) ka transparent nga plastik sachet nga adunay sulod sa gituohang shabu nga gibana banaang mutimbang sa 0.21 gramo ug adunay kinatibuk-ang kantidad nga ₱1,428.00.
Lakip usab sa nakumpiska ang buy-bust money ug uban pang mga ebidensya nga may kalabotan sa maong operasyon. Sa kasamtangan ang dinakpan uban sa mga ebidensya anaa na sa kustodiya sa Manay Municipal Police Station alang sa tukmang disposisyon ug mag atubang sa kasong paglapas sa Republic Act No. 9165 kun Comprehensive Dangerous Drugs Act of 2002.
Photo Courtesy:Manay MPS
