Gipahugtan ang seguridad sa Surigao Component City Police Station hinungdan nga walay naitalang insidente o zero crime incident sa atol sa pagsaulog sa 56th Charter Day Anniversary sa dakbayan. Ang maong selebrasyon usa ka higayon sa paghinumdom ug pagpasidungog sa kasaysayan sa Surigao City, mga kalampusan sa pag-uswag, ug sa lig-on nga panaghiusa ug serbisyo sa katawhan.
Samtang gisaulog ang maong selebrasyon, gipasalig sa kapulisan ang hugot nga pagbantay sa mga kadalanan, lugar ug sitwasyon aron mapanalipdan sa krimen ug pagpatuman sa balaod, pagmintinar sa kalinaw ug kahapsay, ug pagsiguro sa kaluwasan ug seguridad sa matag Surigaonon.
Gipasiugda usab sa kapulisan nga ang selebrasyon usa ka pahinumdom sa hiniusang responsibilidad sa tanang lumulupyo aron mapadayon ang paghimo sa luwas, malinawon, ug lig-on nga Surigao City. Nanawagan ang SCCPS sa katawhan nga magpadayon sa panaghiusa, disiplina ug uban pang kalihokan sa kapistahan sa syudad.
