Niabot na sa ₱97.84 bilyon ang kinatibuk-ang pondo nga naremit sa Philippine Charity Sweepstakes Office (PCSO) ngadto sa gobyerno sukad 2022 hangtod sa unang tunga sa 2026. Gikan ang maong kantidad sa mga buhis, dividends ug ubang kita sa ahensya gikan sa mga legal nga dula sama sa lotto.
Sa maong pondo, ₱73.05 bilyon ang napunta sa Bureau of Internal Revenue alang sa buhis, samtang ₱11.47 bilyon ang gigahin alang sa Universal Health Care.
Aduna usab ₱10.30 bilyon nga dividends ang giremit ngadto sa Bureau of the Treasury, samtang ₱3.03 bilyon ang napadulong isip tabang sa ubang ahensya ug beneficiaries.
Sa unang unom ka bulan pa lamang sa 2026, naka-remit na ang PCSO og ₱10.74 bilyon ngadto sa gobyerno. Matud sa PCSO, ang maong mga pondo gigamit sa pagsuporta sa nagkalain-laing programa sa panglawas, edukasyon, sports ug disaster response sa tibuok nasod.
Photo Courtesy:igaming Today.com
