Gipahustan sa Lokal nga Kagamhanan sa San Miguel, Surigao del Sur, ang mga lakang batok sa African Swine Fever o ASF pinaagi sa Executive Order No. 077, Series of 2026, nga gipagawas ni Municipal Mayor Michael T. Corilla.
Tumong niini ang mas hugot nga pagpatuman sa Municipal Ordinance No. 22, Series of 2021, lakip ang pagpugong, pagmonitor ug pagkontrol sa pagkaylap sa ASF.
Lakip sa mga lakang ang pagpaaktibo sa Municipal ASF Task Force, pag-operate sa Municipal ug Barangay ASF Checkpoints, ug hugot nga pagmonitor sa pagbalhin sa buhing baboy ug pork products.
Gipakusgan usab ang biosecurity, inspection, disinfection, ASF surveillance ug farm monitoring, samtang gikinahanglan ang hustong veterinary permits, certificates ug clearances.
Nanawagan ang LGU sa mga hog raisers, traders, meat vendors, transporters, mga barangay ug sa publiko nga makigtambayayong ug mosunod sa mga regulasyon aron mapugngan ang dugang pagkaylap sa ASF ug mapanalipdan ang panginabuhian sa mga mag-uuma ug lokal nga industriya sa baboy.
Photo courtesy: LGU San Miguel
