Giaprobahan sa Senate panel ang gisugyot sa lehislasyon, nga mao ang paglugway sa Barangay ug Sangguniang Kabataan Elections (BSKE) gikan sa Nobyembre 2026 ug ang pagpausbaw sa termino sa mga opisyal sa barangay ug SK ngadto sa lima ka tuig.
Sumala ni Senator Francis “Chiz” Escudero, awtor sa Senate Bill No. 2387, gikinahanglan nga ayuhon ug usbon ang termino sa mga opisyal pinaagi sa pag-amyenda sa Republic Act No. 12232 aron mahimo na kining lima ka tuig gikan sa kasamtangang upat ka tuig, aron dili na kini balik-balik nga usbon o gamiton nga rason sa paglangan sa eleksyon.
Sa laing bahin, gipresentar usab ni Senator Imee Marcos ang Senate Bill No. 2067 nga nagsuhi nga ibalhin ang takdang petsa sa BSKE gikan sa Nobyembre 2, 2026 ngadto na sa Oktubre 2027. Tungod sa maong mga kalambuan, nanawagan si Commission on Elections (Comelec) Chairperson George Garcia nga kinahanglang adunay pormal ug klarong desisyon ang Kongreso sa labing dali nga panahon kung ipadayon ba o ioktaba ang maong pinalpalaray.
Gipatin-aw ni Garcia nga kritikal nga mahibaloan ang pinal nga desisyon sa dili pa matapos ang Septyembre o sa ikaduhang semana sa maong bulan, tungod kay gikatakda man ang filing of certificates of candidacy (COC) gikan Septyembre 28 hangtod Oktubre 5, 2026. Ang pagbaton og sayong katin-awan makatabang pag-ayo sa pagpangandam sa mga kandidato, sa komunidad, ug sa tanang field personnel sa Comelec sa tibuok nasud
Photo Courtesy:Senate of the Philippines
