Nasikop sa kapulisan ang usa ka hamtong nga lalaki nga residente sa Misamis Occidental atol sa hiniusang drug buy-bust operation nga gipahigayon sa SDET sa RT Lim Municipal Police Station, uban ang 106th Philippine Army, alas 12:45 sa nakalabay nga adlaw.
Sa maong operasyon, lima ka gagmay nga heat-sealed transparent plastic sachets nga adunay puti nga crystalline substance nga gituohang shabu ang nakumpiska. Ang mga sachet gibanabanang motimbang sa n 0.83 gramos ug adunay estimated street drug price nga 5,644 pesos.
Nakumpiska usab ang usa ka rolled foil, usa ka zip-lock transparent cellophane, duha ka lighter, duha ka hair tie, usa ka 100-peso bill nga gigamit isip marked money, ug usa ka 500-peso bill nga giingong bogus money. Lakip usab sa ebidensya ang usa ka itom nga Skygo 150 nga motorsiklo.
Gidala ang nadakpan nga suspek sa RT Lim Municipal Police Station alang sa dokumentasyon ug tukmang disposisyon. Ang mga nakumpiskang suspected illegal drugs ipasailalom usab sa qualitative ug quantitative examination sa Zamboanga Sibugay Provincial Forensic Unit.
Nagpadayon ang tukmang proseso batok sa suspek, samtang gihulat ang resulta sa laboratory examination aron makumpirma kung ang nakumpiskang substansiya ilegal nga droga.
