Duha ka lalaki ang patay sa managlahing insidente sa pagpamusil sa Calatrava ug Manapla, Negros Occidental, niadtong Agosto 23, 2026.
Sa Calatrava, gipusil patay ang 50-anyos nga alyas Jundy sa Sitio Panggiasgiasan, Barangay Lalong, samtang paingon unta sa market day sa Barangay Bago. Tulo ka wala mailhing lalaki ang giingong mitiro kaniya.
Samtang sa Manapla, gipusil usab ang 57-anyos nga alyas “Mau” kinsa nagmaneho pauli sa Purok Suaga, Barangay I-A. Naigo siya sa ulo ug liog ug namatay sa ospital.
Padayon pa ang hot pursuit operation ug imbestigasyon sa kapulisan aron mailhan ang mga suspek ug matino ang motibo sa duha ka pagpamusil.
Photo Courtesy:DIGICAST NEGROS
