Nadakpan ang gitumbok nga High Value Individual human nakuhaan og binulto sa gituohang shabu atol sa gipahigayon nga buy-bust operation sa kapulisan gabii, niadtong Agosto 14,2026.
Giila ang dinakpan nga si Alyas “Sangay” negosyante ug molupyo sa Purok Lubi, Barangay 1, San Carlos City, Negros Occidental. Nasakmit ang dise otso sa pinaketeng shabu nga motimbang 336.22 gramos nga mobalor ₱2,283.916 lakip na ang pink bag, Buy-busy money nga ₱900 ug uban pang drug paraphernalia. Matud pa, ang dinakpan na palitan sa poseur buyer, human sa transaksyon daling gidakop ang suspetsado.
Gipahibalo sa katungod ang suspetsado sa pinulungan nga iyang masabtan og gigamit ang Body Worn Cameras sa maong operasyon. Samtang ang tanang ebidensya gidala sa Negros Occidental Provincial Forensic Unit alang sa eksaminasyon.
Sa pagkakaron ang suspetsado anaa na sa kustodiya sa San Carlos CCPS og mag-atubang sa kasong may kalapasan sa paghupot ug pagpayuhot sa ginadiling drogas. Padayon karun ang kapulisan sa San Carlos sa ilang kampanya sa pagsumbo sa illegal nga drogas alang sa hapsay ug kalinaw nga komunidad.
Photo Courtesy: PRO – NIR NOCPPO SAN CARLOS
