Upat ka biktima sa illegal recruitment nga pawang residente sa General Santos City ang nakadawat og pinansyal nga ayuda ubos sa AKSYON Fund sa Department of Migrant Workers (DMW) Region XII niadtong Agosto 1, 2026.
Ang maong ayuda kabahin sa padayon nga paningkamot sa DMW sa paghatag og dali nga suporta sa mga biktima sa illegal recruitment, aron matabangan sila sa ilang pagbangon ug sa pagpadayon sa pagpangita og hustisya.
Matod pa sa DMW, pinaagi sa AKSYON Fund, padayon silang naghatag og suporta sa mga OFWs, mga nagtinguha nga mahimong OFW, ug sa ilang mga pamilya nga nanginahanglan og emerhensiyang tabang, ilabina sa mga nalambigit sa mga kaso sa illegal recruitment.
Gipahimangnoan usab sa DMW Region XII ang publiko nga magmatngon sa mga tanyag nga trabaho sa gawas sa nasud ug sigurohong makigtransaksyon lamang sa mga lisensyado ug lehitimong recruitment agencies.
Giawhag usab ang mga nabiktima sa illegal recruitment nga dayon nga moduol sa labing duol nga opisina sa DMW aron makadawat og legal nga tabang ug uban pang angay nga serbisyo.
Padayon nga gipalig-on sa DMW Region XII ang kampanya batok sa illegal recruitment isip kabahin sa ilang misyon sa pagpanalipod ug pag-atiman sa kaayohan sa mga migranteng Pilipinong mamumuo ug sa ilang mga pamilya.
Photo Courtesy: DMW 12
