Nakagradwar og first class honor ang usa ka babaye nga si Kechi Okwauchi, bisan nakaagi og kapin 100 ka operasyon human nga naluwas sa makamatay nga plane crash sa Nigeria, mao kini ang usa ka makapadasig nga sugilanon.
Bisan pa sa mga pagsulay, nakagradwar siya nga adunay First Class Honors gikan sa University of St. Thomas sa Texas, USA. Gawas pa niini, gihatagan usab siya og pag-ila isip Best Student sa Economics, ug nadawat sa usa ka MBA graduate school aron ipadayon ang iyang pagtuon.
Bisan sa mga grabeng kalisdanan nga iyang nasinati, wala siya moundang sa pagkab-ot sa iyang mga damgo sa edukasyon ug sa iyang hilig sa pagkanta.
Ang istorya ni Kechi nagpamatuod nga ang determinasyon ug paglaom makatabang sa usa ka tawo sa pagbuntog bisan sa labing lisod nga mga pagsulay sa kinabuhi.
Photo Courtesy:APTV
