Parehong nadamyos ang usa ka single motor Click 125 ug usa ka pula nga bao-bao human kini nagbangga sa National Highway, Purok Salingsing-I Barangay Balintawak, Pagadian City, karong buntag, Hulyo 28.
Base sa inisyal nga impormasyon nga nakuha sa Juander Radyo News Team, ang duha ka sakyanan nagpadulong sa samang direksyon gikan sa sentro sa Pagadian City paingon sa Barangay Balintawak.
Matud sa driver sa bao-bao nga si Arnel Ubang, miliko siya ug nakahatag na og signal sa wala sa dihang nahitabo ang insidente, apan tungod sa kusog nga dagan sa nagsunod nga single motor Click 125, nagbangga ang duha ka sakyanan nga maoy hinungdan sa kadaot sa ilang mga sakyanan.
Walay naangkon nga samad ang driver sa bao-bao, samtang pangos lamang sa tuhod ang naangkon sa driver sa motorsiklo diin nagpaabot pa ang duha ka partido sa pag-abot sa kapulisan aron sa hapsay ang panagsabot ug paghusay sa maong insidente.
