Mokabat sa 4,288 ka scholarship slots ang naaprubahan og naggahin sa Technical Education and Skills Development Authority (TESDA) Zamboanga del Sur ngadto sa mga accredited training center sa lalawigan.
Matud ni TESDA Zamboanga del Sur Provincial Director Engr. Samad Dibansa, gikan sa maong slots nga naggahin karong tuiga, anaa na sa 1183 ang nigradwar o katumbas sa 70.80 percent gikan sa kinatibuk-ang slots.
Segon ni Dibansa ang maong mga scholarship slots na-apud-apod sa halos 95 porsyento nga mga accredited private school gumikan limitado lang ang allocation nga gigahin sa matag tuig.
Giingon ni Dibansa nga ang maong scholarship slots maghatag og oportunidad sa mga kwalipikadong residente sa probinsya nga makabenepisyo sa libre nga technical-vocational training ug uban pang programa sa TESDA.
Pinaagi niini, mas daghang mga kabatan-onan ug mga indibidwal nga gustong makakat-on og bag-ong kahanas ang gilauman nga makabenepisyo ug maandam alang sa mas daghang oportunidad sa trabaho.
