Nagpadayon ang paningkamot aron matukod ang Zamboanga Sibugay Medical Center, human mapasar ang maong balaodnon sa Third and Final Reading sa House of Representatives.
Sa pagkakaron, gipaabot na ang pag-apruba niini sa Senado aron mahimong balaod ug masugdan ang pagtukod sa usa ka DOH-run nga ospital sa probinsya. Gipahayag usab nga padayon ang paghatag og suporta sa maong panukalang balaod aron masiguro ang pag-abot niini sa katapusang yugto sa legislative process.
Giawhag usab ang publiko sa pag-ampo ug pagpakabana aron maaprobahan ang maong balaodnon, nga gilauman makatabang sa pagpalambo sa serbisyo sa panglawas ug paghatag og mas maayong pag-atiman medikal sa mga residente sa Zamboanga Sibugay.
