Gihangyo ni Iligan City Mayor Frederick Siao ang tanang kapulisan sa Iligan City Police Office nga ipadayon ang pag-alagad ug pagpanalipod sa katawhang Iliganon uban sa tinuoray nga kasingkasing.
Atol sa turnover ug blessing sa bag-ong ICPO building niadtong Hulyo 28, 2026, gipasiugda sa mayor nga dili igo ang ordinaryong pagserbisyo, kondili kinahanglan kini buhaton uban sa dedikasyon ug pagtagad sa kaayohan sa matag lumulupyo.
Matud pa ni Siao, padayon ang suporta sa lokal nga panggamhanan ngadto sa PNP pinaagi sa paghatag og mga sakyanan ug uban pang kinahanglanong tabang.
Agig balos, iyang gihangyo ang kapulisan nga magpabiling matinud-anon sa ilang katungdanan ug protektahan ang mga Iliganon sa labing maayong paagi.
Photo Courtesy:Politiko Mindanao
