Malampusong nadakpan sa Barobo Municipal Police Station (MPS) ang usa ka wanted person atol sa gipahigayon nga operasyon batok sa mga gipangita sa balaod niadtong Hulyo 24, 2026, alas 6:30 sa gabii, sa Purok 2B, Barangay Mamis, Barobo, Surigao del Sur.
Ang operasyon gipangulohan ni PMAJ Andrew G. Lupian, Officer-in-Charge sa Barobo MPS, nga miresulta sa pagdakop sa usa ka 45-anyos nga lalaki nga adunay kasong paglapas sa Section 68 sa Presidential Decree No. 705 o Revised Forestry Code of the Philippines.
Ang warrant of arrest gi-isyu sa Regional Trial Court, Branch 28 sa Lianga, Surigao del Sur niadtong Enero 31, 2011, ubos sa Criminal Case No. L-2300.
Human sa pagdakop, gidala dayon ang suspek sa Barobo MPS alang sa hustong dokumentasyon ug uban pang legal nga proseso sa dili pa itugyan ngadto sa korte nga nagpagawas sa warrant.
Photo courtesy: Barobo MPS
