Arestado ang usa ka lalaki human nadakpan sa mga kapulisan atol sa gikasang buy-bust operation didto sa Purok D.A., Barangay Matiao, Mati City, Davao Oriental pasado alas 8:10 sa gabii niadtong Hulyo 24, 2026.
Ang suspek naila nga si alyas “Dondon,” 49 anyos, minyo ug residente sa Purok Pagkakaisa-3, Barangay Matiao sa maong dakbayan, kinsa nadakpan sa mga personahe sa Mati City Police Station, kauban ang Davao Oriental Police Provincial Office–Provincial Intelligence Unit (DOPPO-PIU) ug Philippine Drug Enforcement Agency–Davao Oriental Provincial Office (PDEA-DOPO).
Atol sa operasyon nakuhaan ang suspetsado ug usa ka heat-sealed transparent plastic sachet nga adunay sulod sa gituohang shabu, laing duha ka pakete sa puti nga kristalinong substansiya, usa ka P500.00 nga buy-bust money; ug usa ka coin purse.
Ang mga nakumpiskang illegal nga droga gibana banaang mutimbang sa 0.4 gramo ug adunay standard drug price nga Php2,720.00. Sa pagkakaron ang dinakpan uban sa mga nasakmit nga ebidensya anaa na sa kustodiya sa Mati City Police Station alang sa hustong dokumentasyon ug pagsang-at sa kasong paglapas sa Republic Act 9165 kun Comprehensive Dangerous Drugs Act of 2002.
Photo Courtesy: Mati CPS
