Nakaplagan nga wala nay kinabuhi ang usa ka construction worker human kini naanod sa baha sa Purok Rambutan, Barangay Talandang, Tugbok District, Davao City, niadtong Hulyo 25.
Giila sa Davao City Police Office ang biktima nga si Rolando Jose, nga nakaplagan sa Purok 5, Sitio Luman, Barangay New Valencia, sa maong distrito.
Nasayran nga nadala si Jose sa kusog nga agos sa baha ug gikonsiderar nga missing sulod sa pipila ka oras, hinungdan aron ipahigayon ang search and rescue operation alang sa iyang pagpangita.
Apan sa dihang nakaplagan na siya, wala na kini’y kinabuhi. Nagdumili ang pamilya sa biktima nga ipailalom sa awtopsiya ang iyang lawas, tungod kay kumbinsido sila nga aksidente ang nahitabo.
Matud sa kapolisan, wala usab silay nakitang timailhan sa foul play kalabot sa maong insidente.
