Gilunsad pag-usab sa Zamboanga Sibugay Police Provincial Office (ZSBPPO) ang Weight Loss Challenge isip kabahin sa programa sa Philippine National Police aron mapalambo ang kahimsog, moral ug kaayohan sa mga kapulisan.
Ubos sa pagpangulo ni PCOL Barnard Daniel V. Dasugo, Provincial Director, kapin sa usa ka gatos ka PNP personnel gikan sa provincial headquarters ug nagkadaiyang yunit ang miapil sa maong kalihokan.
Tumong sa programa nga matabangan ang mga partisipante nga makab-ot ug mapadayon ang normal nga Body Mass Index (BMI) pinaagi sa hustong nutrisyon, regular nga ehersisyo ug disiplina sa panglawas.
Sumala sa ZSBPPO, ang maong inisyatiba nagpalig-on sa disiplina, kalig-on ug responsibilidad sa mga pulis samtang gipasiugda usab ang ilang pisikal ug mental nga kahimsog aron mas epektibo nilang matuman ang ilang katungdanan sa pagserbisyo sa publiko.
