Gilunsad ang Bayanihan sa kalusugan sa mga doctor ug nurse pinaagi sa medical check-up nga gitambongan sa mga personahe sa kapulisan, mga reidente ug uban pang ahensiya nga konektado sa kapulisan didto sa may Camp Hamac Sicayab Dipolog City Hulyo 23, 2026.
Nanghatag sila ug mga tambal alang sa mga personahe sa PNP ug bitamina usab alang sa mga bata nga anaa sa maong kalihokan. Kini gitambongan nila PCOL. Reydante E. Ariza ang ZNPPO Provincial Director, PLTCOL. Abubakar A. Ibno ang C,PCADU ug Yangky Baisac ang Regional Manager sa UNILAB.
Ang maong klihokan nagtumong sa paghatag sa mga pesonahe sa kapulisan ug importansiya sa maayong panglawas, pag ehersisyo aron makabaton ug maayong panglawas nga layo sa sakit samtang nagpatuman sa ilang mandate.
Sa mensahe usab ni PCOL. Reydante E. Ariza ang ZNPPO Provincial Director, iyang gipasalamatan ang mga doctor ug nurses nga mihatag ug higayon alang sa paghatag sa mga tambal ug bitamina sa kapulisan. Gidasig usab niya ang tanan nga batasanon ang pag ehersisyo aron makabaton ug maayong panglawas, mahatag ug serbisyo sa katawhan ug mapatuman ang ilang tagsa-tagsa ka mandate.
