Padayon ang Provincial Agriculture Office sa pagpalig-on sa industriya sa rubber pinaagi sa pakigtambayayong sa Philippine Rubber Research Institute (PRRI) aron mapauswag ang produksiyon ug kalidad sa goma sa probinsya. Sumala kang Provincial Agriculturist Engr. Wesley Sayson, ang maong panagtambayayong nagtumong sa paghatag og mas daghang oportunidad ug suporta sa mga rubber farmers.
Lakip sa mga programa nga gipatuman ang teknikal nga pagbansay sa husto nga pagdumala sa rubber plantation, saktong pamaagi sa pagtap sa goma, pag-atiman sa mga kahoy, ug paggamit sa mga bag-ong teknolohiya aron mapataas ang produksiyon ug kalidad sa latex.
Matod pa kang Engr. Sayson, pinaagi sa padayon nga kolaborasyon sa PRRI, mas mapalig-on ang kahibalo sa mga rubber farmers ug mas mapalambo ang ilang panginabuhian. Gilauman usab nga ang maong programa makatabang sa pagpalambo sa industriya sa rubber ug sa ekonomiya sa probinsya.
Giawhag sa Provincial Agriculture Office ang tanang rubber farmers nga aktibong moapil sa mga programa ug pagbansay nga ipahigayon sa ahensya. Pinaagi sa panagtambayayong sa Provincial Agriculture Office ug sa PRRI, gilauman nga mas mapalig-on ang industriya sa rubber ug mas mosaka ang kita sa mga Rubber growers sa probinsya.
Photo Courtesy: Philippine Rubber Research Institute
