Hugot nga gidili sa Philippine Coconut Authority (PCA) nga ilegal ang pagputol sa punoan sa mga lubi kon walay tukmang permit kini ubos sa Republic Act 8048 nga giusab pinaagi sa RA 11524 o Coconut Preservation Act.
Subay sa maong balaod, kinahanglan una motuman sa mga rekisitos ug proseso sa PCA sa dili pa motugot sa pagputol ug ang molapas sa maong balaod mahimong atubangon ang multa nga ₱200,000 hangtod ₱500,000 ug prisohan sulod sa 2 hangtod 5 ka tuig.
Nunot niini, gipasabot ni Engr. Faiz Macakiling nga kinahanglan usab ang mga dokumento sama sa pamatuod sa pagpanag-iya sa yuta, barangay certification, ug clearance gikan sa DAR kung agricultural land.
