Giaksyonan na sa Barangay San Miguel, Digos City ang reklamo kalabot sa giingong pag-abuso sa pipila ka kabataan. Nagpasalamat si Phi Thang, pinaagi sa social media ngadto sa mga kagawad sa nahisgutang barangay tungod sa ilang dali nga pagtagad sa maong reklamo niadtong nakalabay nga adlaw.
Matud pa sa unang gipost sa social media, adunay mga kabataan nga giingong gipasakitan ug gibato samtang nagdula sa usa ka gym. Mitabang usab sa pag-atubang sa maong reklamo ang Digos City Police Station.
Sa pagkakaron, wala pa’y opisyal nga pahayag gikan sa mga otoridad bahin sa resulta sa gihimong aksyon ug imbestigasyon.
