Gimando ni Cotabato Governor Emmylou “Lala” Taliño-Mendoza ang mas hugot nga pagpatuman sa veterinary quarantine protocols sa tanang utlanan sa lalawigan aron mapugngan ang pagsulod sa African Swine Fever (ASF), kasunod sa mga natala nga kaso sa silingang mga probinsya.
Gipahibalo kini sa Gobernadora atol sa Provincial Peace and Order Council Executive Meeting niadtong Hulyo 20, 2026, nga gitambongan sa mga opisyal sa PNP, AFP, League of the Municipalities, ug uban pang mga stakeholder.
Gipasiugda ni Governor Mendoza ang panginahanglan sa aktibong kooperasyon sa mga lungsod, barangay, mga law enforcer, ug sa katawhan aron mapugngan ang posibleng pagbalik sa ASF nga mahimong makaapekto sa mga hog raiser ug sa suplay sa pagkaon sa probinsya.
Giawhag usab niya ang mga hog raisers, livestock traders, ug transporters nga higpit nga motuman sa veterinary quarantine protocols ug biosecurity measures, ug dayong ireport sa Office of the Provincial Veterinarian (OPVet) o sa ilang barangay ang bisan unsang kadudahang sakit o kalit nga pagkamatay sa mga baboy aron malikayan ang pagkaylap sa ASF.
Photo Courtesy: Emmylou Taliño-Mendoza
