Nagpagawas og panawagan sa publiko ang pamilya ni Vienna Grefalde Uriarte, 17-anyos, human kini nawala niadtong hapon sa Hulyo 17, 2026.
Sumala sa impormasyon, si Vienna usa ka residente sa Purok La Suerte 2, Barangay Dagocdoc, Tandag City, Surigao del Sur. Hangtod sa pagkakaron, wala pa kini makapauli sa ilang panimalay, hinungdan sa dakong kabalaka sa iyang pamilya.
Busa, nangayo ang pamilya og tabang ug kooperasyon sa publiko aron matultolan ang posibleng nahimutangan sa dalagita. Giawhag ang bisan kinsa nga adunay impormasyon o nakakita kang Vienna nga ireport ang impormasyon sa labing duol nga estasyon sa kapulisan.
Naglaom ang pamilya nga pinaagi sa tabang sa komunidad ug sa paspas nga pagkaylap sa maong panawagan, luwas nga makapabalik si Vienna sa iyang pamilya.
Photo courtesy: Wcpd Tandag Cps Sds
