Gipasabot sa Bureau of Jail Management and Penology (BJMP) Region 9 nga ang mga aplikanteng wala napili sa miaging Recruitment Activity alang sa posisyon nga Jail Officer 1 mahimong mo-aplay balik, basta nasulod pa sa age requirements ang buot mo-aplay.
Kini subay sa gibutyag ni JCSUPT Amado Concepcion Jr., Regional Director BJMP Region 9 atol sa eksklusibo nga pakighinabi sa Juander Radyo News Team niining bag-o.
Pagpasabot ni RD Concepcion, ang kapakyasan sa usa ka aplikante sa miaging recruitment dili mahimong babag aron dili na mahimong makab-ot ang tinguha nga mahimong Jail Officer 1.
Gidasig usab ni RD Concepcion ang mga interesadong aplikante nga ipadayon ang pag-andam sa ilang mga dokumento ug palig-onon ang ilang physical ug mental health alang sa umaabot nga recruitment activity.
Samtang, gipahibalo usab ni RD Concepcion nga ang Recruitment Activity alang sa Jail Officer 1 magsugod sa bulan sa Nobyembre, hinungdan siya ga-awhag sa mga aplikante nga diha lamang sa mga official announcement sa BJMP Region 9 mulantaw aron malikayan ang pagkailad.
