Nawad-an og dako nga kantidad sa salapi ang Kapuso actress nga si Kyline Alcantara human kini mabiktima sa usa ka “text ug email scam” diin iyang gi-click ang usa ka kadudahang link nga nag-ingon nga adunay problema ang iyang bank account.
Matud pa sa aktres, human niya ma-click ang maong link, nadirekta siya sa usa ka peke nga website ug didto na niya namatngonan nga nakuhaan na og dakong pondo ang iyang personal nga bank account.
Bisan pa man og wala gipadayag ni Kyline ang eksaktong kantidad nga nawala kaniya, iyang gihisgutan nga dako kaayo kini nga leksyon alang kaniya nga dili basta-basta mosalig sa mga mensahe nga adunay mga link.
Subay niini, nagpahimangno siya sa publiko nga mag-amping batok sa phishing ug uban pang online scams pinaagi sa paglikay sa pag-click sa mga kadudahang link ug pagmatngon sa paggamit sa public Wi-Fi ilabi na kon mag-access sa mga banking apps
Photo Courtesy: Mydramalist
