Nadakpan sa mga kapulisan ang duha ka mga indibidwal nga namaligya ug ginadiling droga didto sa Sitio Tumaliktik, Brgy. Santa Felomina, Cateel, Davao Oriental pasado alas 03:30 sa buntag niadtong Hulyo 14, 2026.
Ang operasyon gipangunahan sa mga personahe sa Intel Operatives ug Drug Enforcement Unit sa Cateel Municipal Police Station, kauban ang 1103rd RMFB, koordinasyon sa PDEA Region XI ug lain pang mga operatiba nga miresulta sa pagkasikop nila alyas “Denden”, 35-anyos, minyo, walay trabaho ug alyas “Yanyan”, 35-anyos, walay asawa, walay trabaho ug pulos mga lumolopyo sa Barangay Carmen sa maong munisipyo.
Narekober sa mga otoridad gikan sa mga dinakpan ang unom ka pakete sa gituohang shabu, usa ka PHP 1,000 nga buy-bust money, usa ka gamay nga metal box nga mentos, usa ka coin pouch nga pink, usa ka Php 100 pesos, usa ka Php 20 pesos ug duha ka Php 10 pesos nga sensilyo.
Sa pagkakaron ang duha ka suspek anaa na sa kustodiya sa kapulisan ug mag-atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Cateel MPS
