Walay Kauban sa Inom? —Sa Russia, Pwede na Mang-Rent og “Barkada” pang Barbecue!
Kung ikaw ra usa mag-ihaw ug wala kay kauban muinom… ayaw kabalaka kay naa nay solusyon—bayri lang!
Sa Russia, uso karon ang serbisyo diin pwede ka mang-rent og “barbecue companion” nga muuban nimo sa ihaw-ihaw—complete package na, naay kauban, tig-ihaw, ug tig-joke pa gyud!
Usa sa mga nag-offer mao si Artem gikan sa Moscow, nga muingon nga apil sa iyang serbisyo ang pag-andam sa barbecue, pag-ihaw sa karne, ug paghatag og kataw-anan nga istorya—murag stand-up comedian nga naa sa ihawan!
Depende sa imong budget, pwede ka makakuha og kauban nga mo-set up sa tent, mamalit sa rekado, ug mo-entertain nimo—pero klaro ha, bayad ni tanan, walay libre nga friendship.
Ang presyo? Sugod sa barato hangtod medyo mahal—depende kung unsa ka “lingaw” imong gusto nga kauban.
Apan giingon sa mga eksperto nga dili gyud mapalit ang tinuod nga amigo—pero kung gusto ka og instant barkada para sa usa ka gabii, pwede ra gihapon.
Busa kung sunod mag-barbecue ka ug ikaw ra usa, pangutana lang, amigo ba imong pangita, o serbisyo ra?
Photo courtesy: Dobro Jutro
