Subling nagpahinumdom ang Balingasag PNP ngadto sa mga ginikanan or guardian nga dili una pagamiton ang ilang mga anak nga menordeng edad sa motorsiklo hilabi kung walay lisensya alang sa ilang segruidad sa kadalanam.
Sumala sa Assistant Investigator sa Balingasag Municipal Police Station nga si Patrolman Christian Paul Garcia nga delikado matud pa nga pagamiton sa motorsiklo ang mga menor-de-edad gumikan kay wala pa kini igong kahibalo o kasayuran sa patakaran ug balaod sa kadalanan ingon man usab nga delikado pa ang motorskilo alang sa ilang seguridad.
Kini nga pahimangno may kalabotan sa bag-ohay lang nahitbaong disgrasya sa Sitio Moho, Brgy. Napalitan, Balingasg MisOr, kadlawon sa Miyerkules, Hulyo 15, 2026.
Giila ang biktima nga si Mark Joseph Kabigon, 17 anyos kinsa residente sa Riverside 1, Salay, Misamis Oriental.
Base sa inisyal nga imbestigasyon, kalit matud pang mibangga ang biktima sa kasugat niining usa ka truck nga adunay kargang manok hinungdan sa iyang kamatayon.
Sa pagkutlo ning balita, ang driver sa truck nga si Jason Saldivar Asilo, 30 anyos residente sa Oroquieta City, ang gitanggong sa Balingasag MPS alang sa tukmang disposasyon samtang ang patayng lawas sa biktima ang gipahiluna na sa pamilya.
Photo courtesy: Balingasag MPS
