Gisuportahan ni Cagayan de Oro City Councilor Roger Abaday, kinsa chariman sab sa Committee on Public Order and Safety ang pagpalig-on sa mga programa sa seguridad sa mga eskwelahan aron malikayan ang mga insidente sa krimen.
Matod sa konsehal, gawas sa earthquake ug fire drills, pabor usab siya nga ipatuman ang active shooting drill aron mahibal-an ug mapraktisan sa mga estudyante, magtutudlo, ug school personnel ang hustong buhaton kon adunay insidente sa pagpamusil sulod sa eskwelahan.
Samtang, gipahibalo usab nga adunay giplanong Information and Education Campaign aron mapalig-on ang kahibalo sa mga tunghaan sa paglikay ug pag-atubang sa nagkadaiyang matang sa krimen.
Photo courtesy: City Councilor Roger Abaday/ Facebook
