Nasikop sa joint manhunt operation sa Malalag, Davao del Sur ang Top 2 Most Wanted Person provincial level nga giila nga si alyas “Tatay Betoy.” Gipahigayon ang operasyon sa Malalag Municipal Police Station kauban ang RSOG 11 Team Davao Sur/Occidental, CIDG Occidental PFU 11, ug Davao del Sur Maritime Police Station.
Gidakop ang suspek pinaagi sa Warrant of Arrest alang sa duha ka kaso sa Statutory Rape ubos sa Revised Penal Code. Ang warrant gi-isyu sa Regional Trial Court Branch 5 sa Digos City niadtong Hulyo 8, 2026, ug walay girekomendang piyansa.
Sa pagkakaron, anaa na sa kustodiya sa Malalag Municipal Police Station ang akusado alang sa hustong pagproseso ug legal nga disposisyon, samtang padayon ang kampanya sa Davao Sur Police Provincial Office batok sa mga wanted person aron mapalig-on ang kaluwasan ug hustisya sa komunidad.
Photo Courtesy:Malalag Municipal Police Station
