Posibleng mabuksan sa mga skateboarder, BMX rider, inline skater, scooter rider ug uban pang extreme sports enthusiasts ang usa ka bahin sa South Road Properties (SRP) isip temporaryong skatepark kung aprobahan sa Cebu City Council ang isang-at nga resolusyon karong adlawa Hulyo 14.
Sugyot ni Cebu City Councilor Pastor “Jun” Alcover Jr. naghangyo kang Mayor Nestor Archival nga tugotan ang temporaryong paggamit sa kanhi Sinulog Grand Parade grounds samtang nagplano pa ang siyudad sa pagtukod og permanenteng pasilidad alang sa extreme sports.
Sumala sa resolusyon, wala pay igo nga pampublikong skatepark sa dakbayan sa Sugbo, maong daghang mga atleta ang napugos sa paggamit sa mga kadalan, sidewalk ug ubang pampublikong lugar, nga mahimong hinungdan sa peligro sa mga nagdula ug sa mga pedestrian.
Ang kanhi parade grounds sa SRP giisip nga angay nga temporaryong lugar basta adunay tukmang safety standards ug mga polisiya sa pagdumala.
Photo courtesy: Inquirer
