Napalgang anaa na state of decomposition ang patay’ng lawas ni Joel Ompoc sa may kawayanang bahin kilid sa suba sa Purok Osmena, Barangay Curvada, Tukuran, Zamboanga del Sur, kaganinang buntag, Hulyo 14, 2026.
Kahinumduman, si Joel Ompoc, 25 anyos, usa ka SK Kagawad naanod sa tubig-baha samtang nanikop sa suba sa Baclay, Tukuran Zamboanga del Sur niadtong Sabado sa buntag, Hulyo 11, 2026.
Tulo ka adlaw ang paglusad sa search and retrieval operation nga gihimo sa LDRRMOs, PDRRMOs sa maong suba aron sa pagkakaplag sa patayng lawas niini, apan karon nang buntag kini napalgan nga anaa na sa state of decomposition ug nanimaho na.
Segon sa pamilya Ompoc, ilubong ra nila sa labing daling panahon ang lawas sa biktima aron usab kini mapahiluna na sa iyang katapusang pahulayanan.
Samtang nipasalig usab ang MDRRMO Tukuran nga dili nila byaan ang nagsubong pamilya hangtud nga itumod ug mahatod na sa katapusang kapahulayanan ang biktima.
