Nagpadayon ang pagtumaw sa bag-ong pagsaka sa ekonomiya sa tibuok Kabisay-an nga gimarkahan sa pagpalapad sa mga siyudad, pagsaka sa kita sa mga residente, pagpaayo sa mga imprastraktura, ug mas lig-on nga panginahanglan sa merkado sa real estate.
Nagpakita nga ang pagtubo sa rehiyon gikan sa Sugbo, Iloilo, ug Bacolod nahimong mas lig-on ug mas malaungtaron.
Ang mga nag-unang merkado sa real estate sa Kabisay-an padayon nga nagrekord og kusog nga panginahanglan alang sa condominium units, house-and-lot, ug residential lot-only nga mga proyekto, nga naghimo kanila nga usa sa labing kompetitibo nga merkado sa rehiyon.
Nagpabiling labing kusgan ang Sugbo sa merkado sa real estate sa Kabisay-an ug mao gihapon ang labing dako nga sentro sa condominium gawas sa Metro Manila.
Gilauman nga mosobra sa 108,000 ka unit ang imbentaryo niini pag-abot sa 2029, gikan sa kapin sa 92,000 ka unit sa 2025.
Nagpadayon ang mga developer sa paglusad og premium ug luxury nga mga proyekto, samtang nagpabilin nga andam ang mga pumapalit bisan pa sa taas nga presyo sa mga kabtangan.
Ang kalig-on sa ekonomiya sa Sugbo, nagsalig sa usa ka lainlaing industriya nga gipalihok sa turismo, business process outsourcing (BPO), pamatigayon, manufacturing, edukasyon, ug mga kalihokan nga may kalabotan sa pantalan.
Photo courtesy: Pueblo de Oro Development Corporation
