Gisorpresa sa underdog nga RELLM Engineering Design, nga girepresenta sa Institute of Integrated Electrical Engineers (IIEE), ang kasamtangang kampyon nga Johnro Electrical, 75-65, sa semifinal round sa AEBA 9th Corporate Cup sa University of San Carlos Downtown Campus Gym.
Bisan top-seeded ang Johnro Electrical, kontrolado sa RELLM Engineering ang duwa sukad sa pagsugod ug nakatigom kini og dako hangtod sa katapusan aron maselyohan ang ilang pagsulod sa championship.
Gipangulohan ni Andrew Egot ang RELLM Engineering pinaagi sa 29 puntos, lima ka rebounds ug lima ka steals, samtang midugang sila Neil Ibarita og 13 puntos ug Jepher Auguis og 10 puntos. Sa kampo sa Johnro Electrical, si Jhakem Jude Alguno maoy nag-una nga adunay 15 puntos ug 10 rebounds.
Photo Courtesy:Inquirer
