Gipahigayon sa India ang malampuson nga usa ka remote surgery diin ang doktor didto sa Gurugram, Haryana nakapahigayon og operasyon sa pasyente nga anaa sa Jaipur, Rajasthan sa india bisan taas ang gilay-on ang ilang lokasyon.
Gigamit sa maong pamaagi ang kusog nga internet connection ug espesyal nga robotic system aron matuman ang operasyon nga adunay taas nga katukma.
Gikataho nga nahimong posible ang operasyon tali sa doktor sa Gurugram ug sa pasyente sa Jaipur pinaagi sa modernong teknolohiya sa komunikasyon ug robotic-assisted surgery.
Gipadayag sa mga eksperto nga ang remote surgery makatabang sa paghatag og espesyal nga serbisyo medikal ngadto sa mga lugar nga kulang og mga espesyalista.
Photo Courtesy: APOLLO HOSPITALS
