Gidala sa balay-tambalanan ang usa mag-uuma human gipusil sa iyang agtang didto sa Barangay Kisante, Makilala, Cotabato niadtong Hulyo 11 sa gabii. Giila ang biktima nga si Vergil Payla, 41-anyos, ug residente sa nahisgutan nga lugar.
Sumala sa report sa kapulisan, miadto matod pa ang 49-anyos nga suspek nga si Joefrey Cagas, sa usa ka sari-sari store, kung asa, didto nagtambay ang biktima, ug kalit kining gipusil gamit ang wala’y lisensya nga caliber.38 revolver nga armas.
Human sa insidente, boluntaryong mitahan sa iyang kaugalingon ang suspek ngadto sa Barangay Peace Keeping Action Team (BPAT), ug ila usab dayon kining gitugyan sa kapulisan. Narekober usab gikan suspek ang armas nga gigamit uban sa upat ka bala niini ug usa ka rifle. Gituohan nga dugay nang adunay panaglalis sa yuta ang biktima ug ang suspek.
Sa kasatamngan, anaa na sa kustodiya sa Makilala Municipal Police Station ang suspek, samtang gihikay ang tukmang kaso nga ipasaka batok kaniya.
Photo Courtesy:Wikipedia
