Nahimong sentro sa kataw-anan ug paghigugma sa social media ang Norwegian football superstar nga si Erling Haaland, dili lang tungod sa iyang grabeng performance sa field, kundili usab sa iyang makalingaw nga personalidad online.
Bisan og aduna kini barog nga 6 feet og 5 inches ug nailhan isip usa sa labing kuyaw nga striker sa kalibotan, gitawag na karon sa daghang netizens si Haaland nga “babygirl” ug “pretty Norwegian princess.” Nakadugang sa iyang viral nga imahe ang iyang taas nga blond nga buhok, kolor nga hair ties, ug mga kataw-anan nga social media posts sama sa selfie nga giingnan pa niini nga pareho sila og nawong ni Shrek.
Tungod niini, bisan ang mga tawo nga dili hilig og football, nahimong fans sa Norwegian star. Alang sa daghang netizens, si Haaland usa ka talagsaong kombinasyon sa goal scorer sa field ug usa ka makalingaw, ingon man mahigugmaon nga personalidad sa social media, hinungdan nga padayon kining midaog dili lang tungod sa mga goal, kundili lakip usab naghatag lingaw sa mga netizens.
Photo Courtesy: Time
