Gisuportahan sa Department of Trade and Industry (DTI) ang pagatukoron nga libu-libo nga Electric Vehicle (EV) charging stations sa nasod. Usa sa tinguha sa departamento ang pagpatuman sa mas dako nga tipid sa biyahe alang sa mga Pilipinong motorista sa Pilipinas.
Gilauman nga pinaagi sa pagpalapad ug pagbaton og mas daghang gidaghanon sa mga charging ug battery-swapping station, mas makadaginot ang mga motorista sa ilang mga biyahe.
Ang pagsuporta sa DTI kabahin sa plano human kini nakigtagbo sa usa ka EV Brand, diin ilang gihisgutan ang mga plano sa pagpalapad ug ang regulatory framework nga makatabang ilabi na sa pag-charge sa mga electric vehicle sa nasod.
Lakip sa mga gipasigarbo ang e-motorcycle lineup nga Evo, Feliz II, ug Viper nga mohaom sa planong itukod nga 30,000 ka battery swapping/charging stations sa Pilipinas aron mas mapadali ang paggamit niini sa mga rider.
Photo courtesy: Bacancy Systems
