Gisuportahan sa Bangko Sentral ng Pilipinas (BSP) ang desisyon sa pipila ka bangko nga mopaubos o motangtang sa bayronon sa interbank digital transactions. Tumong niini nga mahimong mas barato ug mas sayon alang sa mga Pilipino ang paggamit sa electronic fund transfers ug uban pang digital payment services.
Ang maong lakang nagsunod sa BSP Circular No. 1238 nga gipagula sa miaging bulan, nga nag-awhag sa mga bangko sa pagpaubos sa transfer fees kutob sa mahimo ug sa pag-andam sa pagpresentar og cost analysis kon gikinahanglan. Sumala ni BSP Governor Eli M. Remolona Jr., ang ubos nga bayronon sa transaksyon makatabang sa mas paspas nga pagsagop sa digital payments ug sa paglig-on sa tibuok sistema sa pagbayad.
Gilauman nga ang pagkunhod sa transaction fees mosuporta usab sa padayon nga pagtubo sa digital economy sa nasod. Nagpadayon ang BSP sa pagtinabangay uban sa banking industry ug uban pang stakeholders aron makahimo og digital payments ecosystem nga ubos ang gasto, kasaligan, ug mas mapuslanon alang sa mga konsumidor, negosyo, ug sa kinatibuk-ang ekonomiya.
Photo Courtesy: BSP
