Andam na ang tanan alang sa pagpatuman sa Automated Weather System sa Iligan City human makompleto ang tanang kinahanglanon gawas na lamang sa pagpirma sa Memorandum of Agreement (MOA) sa Mayor ug sa DOST-PAGASA.
Sumala ni ICDRRMO Head Armien P. Alorro, inigkahuman sa pagpirma magsugod dayon ang proyekto, samtang andam na usab ang mga kagamitan nga naghulat na lamang sa pagpadala gikan sa rehiyon.
Matud ni Alorro, ang maong automated weather system maghatag na og eksaktong datos sa kahimtang sa panahon gikan mismo sa Iligan City.
Gipaklaro niini, nga kaniadto sa Laguindingan pa naggikan ang weather data nga gigamit sa PAGASA, apan sa umaabot, makahatag na ang Iligan og kaugalingong datos nga mapuslan usab sa Ozamiz ug Lanao del Norte alang sa mas paspas ug tukmang weather monitoring.
