Dakpan sa hiniusang operasyon sa mga operatiba sa Leyte Police Provincial Office (LPPO) ang Top 4 Most Wanted Person sa Eastern Visayas nga si alyas “Naldo,” 38 anyos, mag-uuma ug residente sa Sitio Gubat, Barangay Mering, Tabontabon, Leyte tungod sa tulo ka kaso sa Statutory Rape atol sa manhunt operation nga gilusad sa naasoy nga lugar kagahapong adlawa, Hulyo 8, 2026.
Sumala sa kapolisan, gidakop ang suspetsado pinaagi sa Warrant of Arrest nga giisyu sa Regional Trial Court, Branch 15 sa Burauen, Leyte penitsahan niadtong Hunyo 26, 2026 tungod sa tulo ka kaso sa Statutory Rape ug walay girekomendang piyansa alang sa matag kaso.
Human sa pagdakop, gipahibalo ang akusado sa hinungdan sa iyang pag-aresto ug sa iyang mga katungod subay sa Konstitusyon sa pinulongang iyang nasabtan.
Gidala dayon ang suspetsado sa Tabontabon Municipal Police Station aron sa hustong dokumentasyon ug pagproseso sa mga kinahanglanong papeles sa dili pa itugyan ngadto sa korte nga nagpagula sa warrant.
Photo Courtesy: PNP LPPO
