Gipangunahan sa Municipal Committee on Anti-Trafficking and Violence Against Women and their Children ang pagpahigayon sa 2nd Quarterly Meeting nga nagtumong sa pagpalig-on sa koordinasyon ug panagtinabangay sa mga miyembrong ahensya sa pagpanalipod sa katungod ug kaayohan sa kababayen-an ug kabataan.
Atol maong panagtigom, ang Municipal Health Office, Municipal Social Welfare and Development Office, ug Baganga Municipal Police Station nagpresentar sa ilang mga report ug updates nga naglatid sa ilang mga programa, kalampusan, ug mga lakang batok sa human trafficking ug kapintas batok sa kababayen-an ug kabataan.
Samtang gipasalig sa MCAT-VAAWC nga padayon ang ilang mga paningkamot sa pagtukod og usa ka mas luwas ug gender-sensitive nga komunidad alang sa tanang lumolopyo sa Baganga.
Photo Courtesy: Municipality of Baganga
